ခရီးသည်ကြီး

Sunday, December 19, 2010

ပိုးစုန်းကြူးရဲ့ သဲ့သဲ့ရီသံ

ကြည့်လိုက်စမ်း ခရေ...
ငါတို့ ရဲ့ 
ကမ္ဘာတခြမ်းအပေါ်
ကြည်လင်တဲ့အလင်းဓါတ်တွေ
ယုယစွာ”သာ”ချပေးနေတဲ့
ပြည့်လုဆဲဆဲ”လ”မင်းကြီးရဲ့ အောက်
တဖွဲဖွဲ တလွှင့်လွှင့်
နူးနူးညံ့ညံ့ ပျော့ပျောင်းပြေးဆော့ နေတဲ့
လေပြေလေးတွေနဲ့ အတူ
ပြေးလွှားပျော်ပါးရင်း
လောကရဲ့ အလှတရားကို
တတပ် တအားဖြည့်စွက်ဆေးချယ်ဖို့ 
ဖြူလွှလွှ နှင်းဖြူလေးတွေကြွေဝဲနေပုံများ
မင်းက ငါ့ဘ၀ကိုနားလည်ပေးသလို
ငါက မင်းဘ၀ကိုစစ်သူကြီးကိုယ်ရံတော်စောင့်ကြပ်သလို
ခွင့်လွှတ်ခြင်းကြီးကြီးနဲ့ 
ငါတို့ နှစ်ယောက်မေတ္တာတွေထားခဲ့ကြသလို
ငါတို့ ဘ၀တွေ
တွဲလက်ခိုင်ခိုင်မြဲမြံတာကို တုပနေကြသလိုလို
ဘယ်လို တုလို့ ရမလဲ ခရေ ရယ်..။

အရည်ပျော် အသွင်ပြောင်း
သတ္တိမှ မကောင်းကြပဲနဲ့ 
သူတို့ အဖြစ်
ပိုးစုန်းကြူးက
”လ”ပြည့်မင်းကိုယှင်ပ
စီး(ဆီး)စေ့လေးက
ခါကဘိုရာဇီ တောင်မင်းကို
ညာ ညှိသလိုမျိုးနဲ့ 
သဲ့သဲ့လေးရီ(ရယ်)လိုက်ချင်သေးရဲ့ ။

မှတ်မိလား ခရေ
ငါတို့ တွေက
ငွေနှင်းဖွေးဖွေးညတွေရဲ့ 
ရာသီသုံးဖော်နဲ့ အတူ
နိမ့်မြင့် ကောက်ကွေး
ငိုကြွေး ပြုံးပျော်
လောကဓံတရားတွေက
ဘယ်လိုခြောက်ခြောက်
တယောက်အပေါ်တယောက်
သစ္စာမဖောက်ကြေးနဲ့ 
ဖြစ် တည် ပျက် တွေကို
နှစ်ဆယ့်သုံးနှစ်များတောင်
တွဲယှက်တူထိုင် ကြည်ခဲ့ဖူးကြပြီးပြီလေ။ ။

Sunday, December 12, 2010

အချစ်ဆုံးပေးတဲ့ အမွေမို့ ...

ဖြစ်ပျက်ရဲ့ အဆက်ဆက်
နုတ်ဆက်အသက်ကလေး
ဒီဘ၀က ထွက်ပြီးမပြေးခင်
ရင်တွင်းဖြစ်တွေ ပြောခဲ့ပါရစေ
ချစ်မိခဲ့ဖူးတဲ့ ခရေ..။

ဗေလုဝ နတ်စောင်းသံ
မကြားဖူးတာအမှန်ပါ ခရေ
ဒါပေမဲ့
ပျားရည်ကို ကျိုချက်
နှစ်တရာ စိမ်နှစ်ထားတဲ့
အချိုနက်နက်လို
မင်း စကားသံတွေကတော့
ငါ့နားစည်အမြှေးပါးတွေမှာ
ပျော့ပျောင်း မြူးတူး
ပလူးပလဲ ပနံသင့်နေပုံတွေ
စာဖွဲ့  မပြောပြတတ်ဖူး ခရေ။

ငါ ကံဆိုးခဲ့ပါတယ်
မင်းရဲ့အတွယ်တာမဲ့ 
ဥပက္ခာရင့်ရင့် အပြုံးတွေ
ငါ့ နှလုံးသွေးထဲ တိုးဝင် လည်ပတ်ကြခါမှ
ခါချဉ်ကောင် ရာထောင်မက
ကိုက်ခဲမှုနဲ့ နှိုင်းယှင်မိတော့တယ်။
ဒူးရင်းသီးဟာ
ချွန်မြတဲ့ဆူး များပေမဲ့
အတွင်းအသားချိုတယ် ခရေ
နူးညံ့တဲ့မင်းရဲ့အသားအရေအတွင်းမှာတော့
အက်စက်အဆိပ်ဆူးတွေ
ထိုးထိုးထောင်ထောင်ပြည့်နက်နေမှန်း
မင်းနဲ့ ချစ်မိတဲ့ တစ်လအကြာ
စက္ကူ ဖြူပေါ်မှာ
မင်းအမည်းတစ်စက် ကျသလို
ကွင်းကွင်းကွက်ကွက်
ထင်းထင်းရှင်းရှင်း
ငါမြင်ခွင့်ရတော့တယ် ခရေ။

ရေခဲဟာ ရေကလာပြီး
ရေပြန်ဖြစ်သွားလဲ
မင်းကိုချစ်ရခြင်းက
အချစ်ကလာပြီး
အမုန်းဆီခရီးပြင်းဆက်ရခြင်းအတွက်
ရင်နာရတယ်- ခရေ။

ရေတွက်ရန်ခက်ခဲတဲ့
မာယာတွေကို ကျကျနနထုပ်ပိုး
မေတ္တာအပုတ်အသိုး
အတွင်းသားရုပ်ဆိုးဆိုးကို
ပါးပါးလေးဆေးချယ်
ပရိယာယ်ကြွယ်တဲ့ မိန်းမလို့ 
မပြောရက်ဖူး- ခရေ။

ထုံထိုင်းမှုထူထူ
ကျောက်ဆောင်အငူတခုလို
မင်းအပေါ်သက်ဝင်မှုတွေက
ယုံကြည်ခိုင်ခံ့ခဲ့
ငါ ဘယ်သူကိုအပြစ်ဖွဲ့ ရမလဲ
ချစ်ရတဲ့ ခရေရယ်။

ဥပါဒန်နဲ့ စွဲငြိ
မင်းကို ချစ်နေဆဲအသိတော့
သေရွာအထိ
ယူသွားမိမှာပါ
ယူသွားခွင့်ပြုပါ ခရေ။

Monday, December 6, 2010

ကောက် တွယ်မိတဲ့ ကြိုး

အပင် မမြင့်ကြီးပေါ်က
အခြေနေ အရ
ဝေ့၀ိုက်
လေအပင့်နဲ့ 
ကြွေလွှင့်ဝဲပျံကျလာတဲ့
ခရေ တစ်ပွင့်
အဖြူရောင်လွင့်ပါး
ပါးပါးလေး ၀ါနေငြားလည်း
ငါက
ဒီ ခရေလေးကိုမှ
ယုယစွာ
ကောက်ယူ တွယ်တာမိခဲ့။

တဦးနဲ့ တဦး
အကြင်နာတွေ ဖြူစင်
မြူမထင်တဲ့ သံယောဇဉ်
မင်းအနမ်းတွေနဲ့ 
စုတ်ချက်ပြင်းပြင်းရေးထိုးခဲ့တဲ့
ငါ့အသည်းပြင်ပေါ်က
သေရာပါ အမှတ်အသားတွေက
စိုစွတ်နေဆဲ
စိမ်းလန်းနေဆဲပဲ။

ခုတော့ ခရေ ရယ်..
အချစ်ဆိုတာကို မင်းက
ရွဲကုန်သည် ဇာတ်ထဲကလို
ပဲဝက်မျှတောင် မတန်ချင်တော့ဘူးကိုးလေ။

ခရေ..ရယ်
တကယ်ဆို
မင်းကို ယုယဖို့ 
သမုဒယတွေ
သုံးလွန်းမက လိမ်ပတ်
ငါ့ရင်ဘတ်ထဲက
နှလုံးရေကြည် ပတ်ပတ်လည်မှ
သွေးကြောတလျှောက်
မီးပဲ ထ ထ တောက်တော့မယ့်ဟန်မျိုးနဲ့ ပေါ့။

ခုဆို.ခရေ
ဒို့ နှစ်ယောက်သွေးသားနဲ့ 
တည်ဆောက်ခဲ့ အိမ်လေး
မင်းထွက်ပြေးသွားလဲ
ငါကတော့ ရှိနေဆဲပါ ခရေ။

စွဲစွဲလန်းလန်း
ချစ်တတ်တဲ့ ကိုယ့်လိုလူ
မင်း...ငြူစူလို့ 
တပင်အသစ် ထူသွားရက်တယ်နော်။

ချစ်ခရေ
မင်းလေးကျန်းမာပါစေ။

Monday, November 29, 2010

ချစ်နေဆဲပါ မိခရေ

ပစ္စုပ္ပန်တည့်တည့်
ဖြစ်လိုက်တဲ့ ခဏကို
ရှေးဟောင်း နှောင်းမဖြစ်တဲ့
ရှေးဟောင်းနှောင်းဖြစ်အကြောင်းများ။

သူငယ်ချင်းတွေ
အကြောင်းဆုံတိုင်း
စိတ်အပူတိုက် ပြန်နွေးမိတဲ့အတိတ်
မင်းအကြောင်းတွေ တရိပ်ရိပ်နဲ့ ပေါ့။

စိတ်ကို
ခါးတောင်းမြှောင်အောင်ကြိုက်
အားသွန်ပြီး ခွန်စိုက်
ချွေးဖြိုက်ဖြိုက်နဲ့ ရယ်
်ဟိုး....အပေါ်မှာစိုက်ထား
မင်းရဲ့ 
အချစ်အောင်လံကုက္ကား
ငါ့ အချစ်စွမ်းအားတွေနဲ့ 
လက်လှမ်းမယ်ကြံတိုင်း
ဥပက္ခာနဲ့ အမုန်းချောဆီအရိုင်းတွေ
အလောင်းခံလိုက်ရ
ပြန်ပြန်ပြုတ်ကျခဲ့ရ
ဒဿမ အကြိမ်တောင်မက ခဲ့ဘူး။

မိခရေ....
မင်းကတော့
အောင်နိုင်သူ စစ်ကဲကြီးလိုမာန်ဝင့်
တဖက်လူကိုအလှဲထိုး
အောင်လံခါးထိုးပြန်တဲ့
လက်ဝှေ့ ကျော်ရဲ့ ဟန်ပန်
ချက်ကောင်းကိုအလစ်ချောင်းပစ်ခတ်
သားကောင် လတ်လတ်ဆတ်ဆတ်ရလိုက်တဲ့
မုဆိုးကျော် သောနုထ္ထိုရ် လို....
အောင်နိုင်မှုအပေါ်
ပြုံးရင်းနဲ့ ပျော်
ပျော်ရင်းနဲ့ ပြုံး
အရှုံးမရှိ
အဆုံးထိ ပိတိတွေနဲ့ ။

မိခရေ
မင်းသိပါစ
အနိမ့်အမြင့်
ဘ၀ အဖြစ်အပျက်တွေရဲ့ ကြား
မုဆိုးကလည်း သားကောင်
သားကောင်ကလည်း မုဆိုး
အဖြစ်ဆိုးကြီးမရောက်ခင်
မိခရေ..ရယ်
ညာဏ်ယှင်စဉ်းစား
မင်း မှားမှာစိုးလို့ ။ ။

Monday, November 8, 2010

”ကိုကိုအတွက်”

ကိုယ့်ကိုယ်ကို ကိုယ်ထင်နေသော-ကိုကို
ကိုကို-ကိုယ့်ကိုယ်ကို ကိုယ်မထင်ပါနဲ့ 
ကိုယ်ဟာကိုယ်မဟုတ်ဖူး ကိုကို။

ဓါတ်ကြီးလေးသွယ်
ဓါတ်ငယ်လေးပါး
တရာ့နှစ်ဆယ့်တစ် စိတ်အပြား
စုပေါင်းအားနဲ့ 
လှုပ်ရှားအရောင်ပြောင်း
ထောင်းထောင်းကြေ ရွေ့ လျှားခြင်းကို
သတ္တ၀ါ သို့ မဟုတ် လူ
လူ သို့ မဟုတ် ယောင်္ကျား
ယောင်္ကျား သို့ မဟုတ် ကိုကို
ကိုကို
ကိုကို လို့ 
အဆင်ပြေသလို ခေါ်နေကြတာပါ။

ကိုကို
ကိုကိုနဲ့ မြင်မြင်သမျှ
ဖြစ်-တည်-ပျက်
ဖြစ် ခြင်းက ပျက်
တည် ခြင်းကလဲ ပျက်
ပျက် ခြင်းကိုယ်၌ကလဲ ပျက်
တရားစင်စစ်က
ပြောင်းလွဲ ဖြစ်ပျက်ခြင်းတခုတည်း
တည်မြဲ နေခြင်းပါ ကိုကို။

ကိုကို သူငယ်ချင်း….
လောကအပေါ်
မြတ်စွာသောဘုရား ပေါ်ခဲ့ပြီးပြီ
မြတ်တရားဓမ္မ ဖေါ်ပြခဲ့ပြီးပြီ
မြတ်သံဃာအရှင်တော်မြတ်များ
သတ္တ၀ါအများကို
တော်-တည့်နေရန်
ရည်သန်ညွှန်ပြ
တရားဓမ္မလမ်းဖြောင့်ပြလို့ ။

ကိုကို
သက်မဲ့လည်း မတည်
ပျက်ခြင်းနောက်ဆုံး
သက်ရှိလည်း မတည်
ပျက်ခြင်းနောက်ဆုံး
အဆုံးသတ်ဤသို့ ရှိတယ် ကိုကို။

ငါ့အိမ်
ငါ့ကား
ငါ့သားမယား
မှတ်ထားပဥာတ်
ကိုယ့်နဲ့ သင့်မြတ်ချိန်
ပိုင်ထားတာပါ ကိုကို။

ဒီသတ္တလောကထဲ
သမ္မာ-မိစ္ဆာ
တရားနှစ်ဖြာနဲ့ 
သွန်သင်ဆုံးမသြ၀ါဒတွေ
ထွေထွေလှမ်းဖွယ်
မဂ်လမ်းကျယ်ကျယ်
နည်းအသွယ်သွယ် ရှိနေပါလျှက်
ဖေါက်မထွက်ဖြစ်ရင်
ကိုကို့  အပြစ်သာ ဖြစ်တော့မှာမို့ 
လမ်းတွေကို အပြစ်မမြင်
ဖေါက်ထွက်ဖို့ သာပြင်ပါတော့ကိုကို။

Thursday, October 28, 2010

ငါမပိုင်တဲ့ မနက်ဖန်အတွက်

အူ ၀ဲ နဲ့ 
ပေါက်ကွဲငိုကြွေး
ငါ လူကလေးအဖြစ်
ကမ္ဘာမြေပေါ်ဆင်းသက်ခဲ့။

ဒီလိုနဲ့ 
အသက်ဆိုတာက
ရွေ့ လျှားခြင်းအချိန်တွေနဲ့ လက်တွဲ
မျဉ်းပြိုင်ပေါ် ကပွဲနွဲရင်း
တစက္ကန့် ခြင်း
တနှစ်ခြင်း
နှေးနှေးနဲ့ မြန်မြန်ပြေးလွှားရင်း
အင်း....ခုဆို
လေးဆယ့်နှစ် ၀ါတောင်ဆိုပြီးသွားပြီ။

ကျေနပ်စိတ်ပျက်စရာ
လောကမာယာတွေနဲ့ 
ပြေးတန်းလိုက်တန်း
မောမောပန်းပန်းလှုပ်ရှားရင်း
လူသားများကောင်းခြင်းအကျိုး
တထမ်းတပိုးတော့
လိုအပ်ချက်ကန်ရေပြင်ထဲ
ရေတစက်လိုလောင်းသွန်ပစ်ချခဲ့ဖူးရဲ့ ။

သြော်
သင်္ခါရနဲ့ ညားရင်း
တဖြေးဖြေးခြင်း
တိုတိုလိုက်ရတဲ့
ထွန်းညှိထားဆဲ
ဖရောင်းတတိုင်က
ငါ ကိုယ်တိုင်ဖြစ်နေရပေါ့။

ကံကြမ္မာနဲ့ 
အနိစ္စအတုံ့ အလှဲ့ 
ဒီ...
ငါချစ်တဲ့ ကမ္ဘာကြီးကို
နုတ်မဆက်ခင်
လောကကိုအလှဆင်
လောကုတ္တရာအတွက်
အထုပ်ပြင်ရင်းနဲ့ ပေါ့။

မသေချာတာက
နှစ်တရာ့ရှစ်ဆယ် အသက်ရှည်ခြင်း
သေချာတာက
အချိန်မရွေး
ဒီကမ္ဘာကြီးကထွက်ခွါသွားတတ်ရခြင်း
တင်းတင်းရင်းရင်း
အာရုံကိုသတိနဲ့ တွဲဖက်ချည်နောင်ထားရင်ပေါ့။

Tuesday, October 19, 2010

ကိုယ်ပျောက်-----နဲ့ သတ်ပုတ်ခြင်း

ဟိုနေ့ တုံးက
ကံကြမ္မာ ပတ်မကြီးတီးသံ
ငါ့ရင်ဘတ်နံရံကို
ကွဲလောက်အောင်ကြံရော့သလား။

သိလိုက်ပါပြီ
ကံကြမ္မာက
အဲမောင်း တီးပြီးမလာဘူး
လှံထမ်းလာသူကတော့
ငါ့ ကိုအနာတရဖြစ်စေ
ပြုစားလေရဲ့ ။

ကြေငြာချက် မထုတ်ပြန်တတ်တဲ့
အမိုက်အမဲ
လောကဓံကို တော်လှန်ဖို့ 
”ဘာမှမဟုတ်ဖူး”ဆိုတဲ့ပြဇာတ်
ကိုယ်တယောက်တည်း
မကတတ်ခဲ့လို့ ပါ
ကိုယ်ပဲ ဇာတ်ဆရာဆိုတော့
ဘယ်သူ့ ကိုများ
ဇီဇာချဲ့ အပြစ်ဖွဲ့ ရမလဲ။

ငါ့ နောက်ကျောက
ဓါးဒါဏ် ဗရပွဟာ
မိတ်ဆွေ အမှတ်မှားခဲ့လို့ ။

ခက်လိုက်တာက
ရှေ့ တည့်တည့်ကဓါး
စွတ်ပြေးဝင်လာတာတောင်
လေတိုးသံမကြားလိုက်ရဘူး
အ၀ိဇ္ဇာ ၀င်ပူးနေလို့ ထင်ပါရဲ့ ။

Sunday, October 10, 2010

သူငယ်ချင်း

သူငယ်ချင်း......
ကျီးကန်းဆိုတာကို အမဲနဲ့ တွဲမှတ်ထား
ဟိုရှေ့ ကားမဲက
ကျီးကန်းလို အား အားလဲမမြည်ဘူး။

သူငယ်ချင်း..ရေ....
ညကို အမှောင်နဲ့ တွဲမှတ်ထား
ခြောက်မျက်နာ အလုံပိတ်ထားတဲ့
အခန်းကျင်းကျင်းအတွင်း
နေ့ ခင်းဟာလဲငါ့အတွက်မှောင်တယ်။

သူငယ်ချင်း
ငါကိုက်စားခဲ့တဲ့ငြုပ်သီး
တရုတ်ကြီး
အဖြူ ကီး
ကုလားကြီး ရော
သူတို့ ပြောတယ်
...စပ်လိုက်တာတဲ့
ဂျူးဘားပြည်က
ထုတ်တဲ့ သကြား
ဘယ်သူစားစား
တ သဘောတရားတည်းချိုတယ်။

အင်း
သူငယ်ချင်းရေ
ငါဟာ မင်းမဟုတ်ဘူး
မင်းဟာလဲ ငါမဟုတ်ဘူး
ငါဟာလဲ ငါမဟုတ်ပြန်ဘူး။

သူငယ်ချင်းရေ..
ကျန်းမာခြင်းတွေ
မင်းနဲ့ လက်ပွန်းတသီးရှိပါစေ။

Thursday, October 7, 2010

နောက်ဆုံးစက္ကန့် မရောက်မှီ

နွေတနေ့ ရဲ့ တနံနက်
ကိုးနာရီသံ ချက်-ချက်
ငါ မှန်ကြည့်ဖြစ်လိုက်တယ်။

အမဲတ၀က်အဖြူရောယှက်
ငါ့ဦးခေါင်းထက်က ဆံပင်တွေဖြစ်နေပုံ။

သွားပွတ်တံကို လှမ်းအယူ
သွေးမပူလို့ လား
ဇရာငြူစူလို့ လား
ငါ့ ခါးကြားက ဂျောက်ကနဲမြည်
အဖြောင့်ပြန်ဆန့် လို့ မရတော့ပြီ။

စက္ကန့် အဆက် ဆက်
တချက်ချက်မြည်သံ
သေမင်းစေတမာန်ဖြစ်နေခဲ့။

မသေခင်စပ်ကြား
လူသားကမ္ဘာအတွက်
ဘာလုပ်ဖြစ်ပြီးပြီလဲ
ဘာလုပ်နေတာလဲ
ဘာလုပ်အုံမှာလဲ။

Sunday, September 19, 2010

ငါ့အသဲ ဟိုက်ထရိုဂျင်

အမြင့်နန်းပေါ်
သဇင် သစ်ခွ
ပိတောက် ငုဝါ
အမြင့်ပန်းမာလာတွေထဲက
ရိုးရိုးယဉ်ယဉ်
ယ်ဥ္ယ်ဥ္ရိုးရိုး
ငါ့ ရင်ကိုတိုးဝင်ထိုးဖေါက်
အသဲစိုင်ရောက်အောင်။

ခရေ.....
မြှားတိုတချောင်း
ထုတ်ခြင်းခတ်ထိုးဖေါက်သွားလဲ
မင်းအပေါ် ငါ့အတွယ်အတာ
အချစ်မြှားရှည်တချောင်းက
ငါ့ရင်ဘတ်ထဲ
ငြိတွယ်စွဲမြဲနေတုံးပဲ
မိခရေ.....။

ငါ့ရဲ့ 
လည်ချောင်းအချုပ်ထောင်ထဲ
မင်းကိုတွေ့ တဲ့နေ့ ကစ
တမ်းတမ်းတတ
နှစ်ရှည်လများအကျဉ်းကျနေတဲ့
စကားစုတွေ
ရင့်ကျင့်ထိုးဖေါက်
အချုပ်ထောင်အပြင်ရောက်တော့
ဘာသာဗေဒနဲ့ 
ရင်းနှီးပေါင်းဖက်
မင်းကိုချစ်တယ်ဆိုတဲ့အကြောင်း
တော်လဲ သံလို
မြည်ဟီးသွားပေါ့။

ထပ်ဆင့်
ထပ်ဆင့်
ထပ်ဆင့်မြည်ဟီးတဲ့ဒီအသံ
ကျောက်သားနံရံ ကွဲကြေလောက်လဲ
ထူးကဲနေတာက
သတ္တ၀ါ ဘယ်ကစ
အဖြေရှာမရတဲ့ပုစ္ဆာထက်
မင်းဆီမှာ မီးစိမ်းပျက်နေတဲ့အကြောင်း
အကြောင်းပြချက်
ဘာလဲ ဆိုတာပို ပိုခက်။

မိခရေ...ရယ်
ငါ့နှလုံးသားတွေဟာ
ဆားဖြူးရင့်စ် အက်စက်အစားခံရတဲ့
သွပ်စ”လေးတွေလို
တရွေ့ ရွေ့ ဝါးမျိုခံရ
ဟိုက်ထရိုဂျင်ဘ၀
ဘ၀ပျက်ပြီး
အဝေးကိုလွှင့်ရတော့မှလားကွယ်။ ။

Monday, September 6, 2010

နှစ်ကိုယ့်တစိတ် တိုးတိုးတိတ်တိတ်

အ၀ိဇ္ဇာဖိစီး
တဏှာမီးတွေနဲ့ 
မသေချာတဲ့
နေထိုင်ခြင်းကို
ကျားကုတ်ကျားခဲ တည်ဆောက်
သေချာတဲ့
သေခြင်းတရားကို
မေ့မေ့ပျောက်ပျောက်
ဂုဏ်မြောက်လိုက်တဲ့ တဏှာ
အစွမ်းထက်လိုက်တဲ့ တဏှာ
ကျွမ်းကျင်လိုက်တဲ့ တဏှာ။

အဲဒီကြားထဲ
ရောင်စုံရမ္မက်တွေက
အငိုက်ချောင်း အလစ်တိုးဝင်
ဘ၀င်ကိုခိုက်လို့ 
ခိုက်လိုက်တဲ့ ဘ၀င်
ဝန်းကျင်ကတောင်
မျက်လုံးကြက်ခြေခတ်တွေနဲ့ 
ရွဲ့ စောင်းကြည့်ကြ။

တကယ်တော့
အကျိုးတရားတွေက
အကြောင်းတရားတွေနဲ့ 
နှစ်ကိုယ့်တစိတ်
တိုးတိုး တိတ်တိတ်
ပေါင်းသင်းနေထိုင်ပြီးသား။ ။

Thursday, September 2, 2010

အစွန့် ပြစ်ခံ ဘူတာလေး

မိခရေ...ရေ....
အချစ်ပြေမလွယ်ချင်ဘူးကွယ်။

မင်းရဲ့ မျက်နာချိုလေးက
လေးနှစ်လေးမိုး
မေတ္တာမိုးတွေရွာသွန်းဖြိုးပြီးကာမှ
ဘယ်အာရုံ
ဘယ်အငြိုးကြောင့်
မေတ္တာ ဘရိတ်အုပ်
အမုန်းတရားတွေနဲ့ 
နောက်ဆုတ်သွားရတာလဲကွယ်။

သဘာဝပတ်ဝန်းကျင်
ထိမ်းသိမ်းရမယ့်အကြောင်းရယ်
ကမ္ဘာဦးတေးဂီတကို
တီးမှုတ်ကခုန်ခဲ့ကြတာရယ်
ငါ တို့ နှစ်ယောက်ရဲ့ 
လူ့ သမိုင်းတာဝန်ကျေခဲ့တာတွေ
မင်းမေ့သွားပြီနော်..။

ငါသိလိုက်ပါပြီ.ခရေ..ရယ်
ကံကြမ္မာဟာ
သံခွါတပ်ပြီးစ
မြင်းရိုင်းတကောင်လို
ဒုံးစိုင်းပြီးရိုင်းရိုင်းစိုင်းစိုင်းနဲ့ 
တံခါးမခေါက်ပဲ
ဂမူးရှူးတိုးဝင်လာတတ်လေရဲ့ ကွယ်။

တကယ်ပါ မိခရေ..ရယ်....
ငါ မေ့မလွယ်ပါဘူး
ဘ၀ရဲ့ မီးနှင်းပွဲတော်တွေက
ပျော်စရာ မဟုတ်ခဲ့ပေမဲ့
မင်း..ငါနဲ့ အဖေါ်ပါခဲ့တာတွေ။

ခရ...ရယ်.......
မင်းသာခွင့်ပြုခဲ့မယ်ဆိုရင်
မင်းဟာလည်း ရထားတစင်းဆိုရင်
မင်းဘယ်လောက်ဝေးဝေးမောင်းနှင်သွားပါစေ
ဘယ်ဆီကိုပဲမောင်းနှင်သွားပါစေ
ပျံလေတဲ့ငှက်ခါး
မင်းနားဖို့ အတွက်
ငါဟာ ဘူတာရုံလေးဖြစ်ပါရစေကွယ်။

Sunday, August 29, 2010

ညီမလေးအတွက်ပေးစာတစောင်

အဖေမေတို့ နဲ့ 
တသက်တာဝေး..။

ငါတို့ မောင်နှမနှစ်ယောက်လဲ
တမြေဆီဝေး
ညီမလေး”မိအေး”..
အစ်ကိုကြီးစာရေး လိုက်တယ်။

ကိုယ့်တက်နဲ့ ကိုယ်
လှော်ခတ်နေရတဲ့ ငါ့ညီမ
မင်းဟာဘ၀ကျောင်းသူတယောက်။

ငါ့ညီမ
မင်းရဲ့ ဘ၀လွယ်အိတ်ထဲ
မာနစာအုပ်ထူထူကြီးလဲ
လွယ်ထည့်မထားပါနဲ့ ။

အတ္တနက်နက်ခဲတံကြီးနဲ့ 
ဘ၀ကောက်ကြောင်းတွေလဲ
မဲမဲညစ်ညစ် မရေးခြစ်လေနဲ့ ကွယ်။

အမြင်နဲ့ အမြင့် ဟာ
အစက်ကလေးတစက်ပဲကွာတယ်
ညီမလေးရေ့...။

အလင်းနဲ့ အမှောင်ဟာ
လက်ဖျောက်တချက်တီးပဲ
ညီမလေး..ရဲ့။

အသက်ရှုပေါက်ဆိုတာ
မျက်နာမပြရဲသူတွေမှာလည်းရှိကြတာပဲကွ။

ညီမလေး
အပါးလွှာဆုံးစက္ကူလေးဟာလဲ
သစ်သားလေးပါပဲကွယ်။

ညီမလေးရေ
ကျီကန်းတိုင်းဟာလဲ
မမဲ(မည်း)ကြဖူးကွဲ့ ။

ဒါးပြတ်တာ အနာမဟုတ်ဖူးဆိုတာ
ငါ့ညီမလေးကို မပြောသေးပါဘူးကွယ်။

ညီမလေးရေ
စာကြောရှည်နေလိမ့်မယ်။

ပြောင်းလွဲခြင်းတခုတည်း
တည်မြဲတဲ့လောက
မြင်မြင်သမျှ
ကမ္ဘာကြီးရဲ့ အပိုင်းအစ
ပြောင်းလဲပျက်စီးကြလဲ
ငါဟာ မြဲတယ်လို့ 
ငါ့ညီမဘယ်လိုယူဆမလဲကွယ်။

အတုံ့ အလှည့်ယဉ်ကျေးမှုကြား
ငါ့ညီမ
သတိထားပါကွယ်။

ကြက်သွန်ခွံပါးပါးလေးခြား
အမှန်နဲ့ အမှား
ဓမ္မဒါး သွေးမထားရင်
ပညတ်တံတားပေါ်
ယောင်ရမ်းအော်ရင်း
အခြေမတော်ချော်ပြီး
ဂျောက်ကြီးအတွင်းလဲ ကျနိုင်ရဲ့ ကွယ်။

အတ္တဟိတိ အတ္တနော နာထော
ဒီသဘောကိုလဲ
ငါ့ညီမရင်ထဲ
အပြီးတိုင်သော့ခတ်သိမ်းဆည်းထားပေတော့ကွယ်။

ကဲ..ညီမလေးရေ့ ....
သင်္ခါရ အတုံ့ အလှည့်နဲ့ 
ဒီကမ္ဘာကြီးကိုနုတ်မဆက်ကြသေးခင်
ငါ့တို့ မောင်နှမ
ပြန်ဆုံကြချင်သေးတယ်ကွယ်။

ချစ်ရသောတဦးတည်းညီမလေးသို့ 

Sunday, August 15, 2010

ခရီးသည်ကြီး ရေကူ:နေသည်

အ၀ိဇ္ဇာဆိုတာနဲ့ 
တဏှာပေါင်းဖက်ပြီး
ကျုပ်ကို ပင်လယ်တခုထဲ
ကန်ချခဲ့ကြ။

မဏိမေခလာ
သူလာမကယ်ဘူး
ကူးခတ်နေရတာက နေ့ စဉ်ရက်ဆက်။

မင်းဧကရာဇ် မဖြစ်ချင်ပေမဲ့
ဒီရေ
ဒီလေ
ဒီလှိုင်း
ဒီငါး ငါးမန်းဆိုး
ဒီငါး ငါးမန်းဆိုး
ဒီလှိုင်း
ဒီလေ
ဒီရေ
ကူးခတ်နေဆဲ။

အတ္တဟိတိ အတ္တနော နာထော ဆိုတော့
......................................................။

Sunday, August 1, 2010

ကဗျာမဆန်သော ဇာတ်လမ်းတပုဒ်

ကျုပ်ဆိုတဲ့
ကျုပ်ဟာ
ဒီကမ္ဘာကြီးရဲ့  အပိုင်းတစ
ကျုပ်ဘာမှရေရေရာရာ
မသေချာသေးတဲ့အချိန်
ကျုပ်ကိုထုဆစ်ခဲ့တဲ့
မေတ္တာရှင်နေမင်းကြီးက
နဲနဲလေး အလင်းဖြာခဲ့ဖူးရဲ့ 
ဒါ တထောင့်ကိုးရာခြောက်ဆယ့်နှစ်ကပါ။

လင်းကြက်အော်သံ
ကျုပ်ဘ၀ထဲ မသဲကွဲသေးတဲ့အချိန်
ဗြမ္မာစိုရ်တရားတွေ
ပြည့်လျှံနေတဲ့
နွေးနွေးထွေးထွေးလေး
အလင်းဖြာပေးတတ်တဲ့
လပြည့်ဝန်းကြီး
ရေတိမ်နစ်ခဲ့
ဒါ တထောင့်ကိုးရာခုနှစ်ဆယ့်လေး ကပါ။

ဒီလိုနဲ့ ပဲ
လှမ်းလျှောက်တတ်တဲ့
ခြေနှစ်ချောင်း
ကျန်ခန္ဓာဗေဒတွေကို
အတ္တဟိတိ အတ္တနော နာဌောနဲ့ 
ခုံခုံမင်မင်
ရင်းရင်းနီးနီး
တွယ်တာပေါင်းဖက်ပြီး
ဤခရီးမနီးပေမဲ့
ရမ်သမ်ဆန်တဲ့
”ဘ”ကုံးနဲ့ ”၀”လုံးပေါင်းဖွဲ့ မှုကို
ပဉ္စလက်မာယာများတဲ့
လက်ဝှေ့ ကျော်ရှစ်ဖေါ်နဲ့ 
ကျွမ်းကျွမ်းဝင်ဝင်ထိုးသတ်ရင်း
တက်ဆင်း နိမ့်မြင့်
ကွေ့ ကောက် ငိုရီ(ရည်)
ထို.အထိုထိုတွေကို
ရေလောင်းပေါင်းသင်
ရောင်စင်တွေကိုမြင်တတ်အောင်
ပြုစုခဲ့ရ
ဒါ ကျုပ်ဘ၀ပေါ့။

အဲဒီဘ၀လေးကို
လက်ကျန် ဧကရာဇ်နဲ့ 
နောက်လိုက်အကြွေကောက်သူတွေက
”အိုက်ခမန်း”လိုတခါ
ချက်တီး”လိုတလည့်
ကျုပ်တို့ ရွာ
ကျုပ်တို့ ဘ၀ကို
လည့်လည်ထွန်ရေးညှက်လိုက်ကြတာ
ပြားပြားကိုချပ်
ဖွတ်ဖွတ်ကိုကြေလို့ ။

Friday, July 16, 2010

ညမွှေးပန်း

တစ္ဆေရဲ့  ကမ္ဘာတခုပမာ
ညအခါမှာထိန်ထိန်သာတဲ့
မေတ္တာမပါတဲ့အချစ်ပွဲတွေ-နွဲ
ပန်းခင်းကြီးက
စည်ပဲစည်ကားလွန်တယ်။

ပန်းခင်းရဲ့ သခင်
သူ့ အသွင်က
ကြွေတောမယ့် နှင်းဆီ
ပွင့်ချပ်ပမာ
သူ့ နုတ်ခမ်းလွှာ
လိုတာထက်ပိုနေပေါ့။

လင်းလက်နေတဲ့
ဘောဂဗေဒရောင် မျက်လုံး
လာလာသမျှပိတုန်းတွေကို
ကြောင်လက်သဲကြားက
ကြွက်ကလေးကိုကစားသလို
ကျွမ်းကျင်မှုတွေက ပါရဂူမြောက်လိုက်တာ
ဟိရိသြတ္တပ္ပတွေက ဗလာ။

ရောင်စုံပန်းပွင့်များစွာ
ဖေါ်ရွေသူ
ကြောက်ရွံ့ သူ
အလို မတူသူ
အလိုတူသူ
ဘယ်လိုပင်
အလိုတူတူ-မတူတူ
မနက်ဖြန်အူစိုဖို့ 
တညတာဖြေဖျော်လို့ 
မြန်ပြည်ရဲ့ 
တိုးတက်တဲ့ အနိမ့်ခန်း
ညမှာ ပွင့်တဲ့ပန်းလေးတွေ။

သူတို့ သမီးများ
ပန်းတံတားပေါ်မှာ
လိုအပ်တာအကုန်ရ
ပြည့်စုံကြွယ်ဝ
အဲဒီဘ၀ ရထားကြရင်
ညဉ့်ငှက်
ဘယ့်အတွက်ဖြစ်ရပါ့မလဲ။ ။

Monday, July 5, 2010

သစ်ပင်တပင်ရဲ့ အထ္ထုပ္ပတ္တိ

ဒီအပင်ပေါ်မှာ နားနေ
ဒီအရွက်အရိပ်ကို ခိုလုံ
ဒီပင်စည်ကို အကာအကွယ်
ဒီအသီးတွေကို စားသုံး
ဒီလိုနဲ့ ပြီးဆုံးမသွားခဲ့
ဒီအပင်ကို ထိုးဆိပ်
ဒီအရွက်ကို ကိုက်ချွေ
ဒီပင်စည်ကို ကုတ်ဖဲ့
ဒီအသီးတွေကို အတ္တအတွက် ဝေငှ
ဒီလိုနဲ့ နောက်ဆုံးကျ
ဒီအပင်သုံးမရဘူးဆို
ဒီလိုဟိုလို အပြစ်ဆို စွန့် ခွါသွားခဲ့
ဒီလိုလဲလုပ်ရက်ကြသေးတယ်နော်
ဒီဘ၀တော့
ဒီတခါသာကြုံပါရစေတော့။

ဒ.ဒွေးတလုံးမှ ၀ိုင်းအောင်မရေးနိုင်တဲ့ငါ
ဒီအပင်ကြီးကိုတော့
ကိုယ်ချင်းစာမိပါတယ်။

Sunday, June 20, 2010

အငွေ့ ပျံသောက

ငါ
မငိုပါဘူး
ရွှဲစိုလို့ 
တွဲခိုကျလာတာ
ခါးသီးမှုဝေဒနာတွေ
ပူပြင်းတဲ့

နှလုံးသားဓါတ်ပေါင်းဖိုပေါ်က
အငွေ့ ပျံသောကရဲ့ 
ကိုယ်စားပြုရေကြည်တွေပါ
ဒါကို
ငိုခြင်းရဲ့သင်္ကေတ
မျက်ရည်လို့ ခေါ်ကြတာလား။

Sunday, June 6, 2010

မိသံစဉ်

တွန်သံချိုတဲ့
ကြိုးကြာတကောင်လို
လှလှပပကြွကြွရွရွ
ကဗျာတမျှပြောဆိုတတ်တဲ့
မိသံစဉ်။

မင်းရဲ့ သာယာနူးညံ့မှု
သံသာကြောမှာ
မျောပါသွားရင်း
ရွက်မဲ့တက်ကျိုးသွားလည်း
လက်ထိုးလှော်ဖို့ 
မကြိုးစားချင်ဘူးကွယ်
ရင်နဲ့ မှကြားရတဲ့
မင်းဆီက ကဗျာသံစဉ်တွေ
ဆိတ်သုန်းပျောက်ကွယ်သွားမှာစိုးလို့ ။

မင်းကိုအပြစ်မမြင်ဘူးမိသံစဉ်
ငါ့အသဲပြင်မှာ
ထီးတင်နန်းဆောက်
ဘုရင်မတယောက်လို
ငါ့နှလုံးသားကို
အုပ်ချုပ်မင်းမူလိုက်စမ်း
ဝပ်တွားနာခံဖို့ အသင့်ပါ။

ငါ တွေ့ လိုက်တယ်မိသံစဉ်
အရောင်သွေးစုံလှလှပပနဲ့ 
လွမ်းတေးရှင်ရွှေဥသြ
ဘာမပြောညာမပြော
သ၀န်တိုတဲ့သဘောနဲ့ 
ခပ်သောသောလေး
အဝေးဆုံးကို အားသွန်ပျံထွက်သွားတယ်
ပျံပါစေလေ
သူက ဥသြ...ဥသြ...
သံချိုတွန်တာကလွဲလို့ 
မင်းလောက်မှ သံစဉ်မထွင်နိုင်တာ။

ငါတွေ့ လိုက်သေးတယ် မိသံစဉ်
ရောင်စဉ်လှလှ
ခေါင်း(ဂေါင်း)ငြိမ့်ပြတတ်တဲ့
အရောင်ပြောင်းထိုထို
ကိုရွှေပုတ်သင်ညို
မင်းကိုသ၀န်တို
မလိုလို့ ထင်ရဲ့ 
သာဘာဝရဲ့ ဆန့် ကျင်ဘက်
ခေါင်းခါပြပြီးထွက်သွားလေရဲ့ 
သွားပါစေလေ
သူက ဟုတ်ကဲ့..ဟုတ်ကဲ့...
ခေါင်းငြိမ့်တဲ့အကျင့်ကလွဲလို့ 
မင်းလောက်မှ
အရောင်ပြောင်း၊ ခေါင်းငြိမ့် ခေါင်းခါ
မကျွမ်းကျင်တာ။

မိသံစဉ်
အနီရောင်ဟာ
ရဲရင့်ခြင်း ပြတ်သားခြင်းတဲ့
မင်းဆီက ယိုစီးဖိတ်ကျလာမယ့်
လမ်းခွဲရေး
အနီရောင်တွေတော့
ငါ့ရင်ပြင် နှလုံးသားပေါ်
နဲနဲလေးမှ
လမ်းချော်ပြီး ဖိတ်စဉ်ကျမလာဖို့ 
မက်မက်မောမောနဲ့ 
ဘုရားသခင်များထံ
ဆုတောင်းမိတာစက္ကန့် အမျှပါပဲ။

တကယ်ပါမိသံစဉ်
မင်းက မီးလျှံဆို
ငါက ဖိုးဖလံ
ဒါပေမဲ့
ကုမုဒြာကြာပန်းအသွင်
မင်းအတွက်တော့
ငါက လရောင်ပဲဖြစ်လိုက်မှာပါ။

Sunday, May 30, 2010

မိညို

မိုးကောင်းကင်ကြီးက ညိုတိုတို..

မိညို” ဆိုတဲ့မိန်းမချောတယောက်နဲ့ 
”ဆူးလေ”မှာနှစ်ခေါက်
စနေ တောင့်မှာနှစ်ခါဆုံဆက်
အလွမ်းဇာတ်လမ်းဖြစ်ဖို့ 
အဲဒီက”စ”လို့ ။

အိုးးး မတော်လို့ ပါနော်
sorry ပဲနော်
. . . . . နော်တဲ့။

အဲဒီနော်တွေရဲ့ နောက်ပိုင်း
ပါးနပ်မှု ယဉ်ကျေးမှုတွေနဲ့ 
ရင်းရင်းနီးနီး
ရောရောယှက်ယှက်
မရှိသေးတဲ့ င့ါအသည်းကြမ်း
မင်းရဲ့  သမုဒယနွံရိုင်းထဲမှာ
အာရုံဦးအသစ်တွေနဲ့ ပျော်ပါးရင်း
မင်းရဲ့ ဆန္ဒ
ငါ့ရဲ့ အဇ္ဖျတ
တသားတည်းမကျမှုကြောင့်
ဘာကြောင့်ညာကြောင့်
ဖနောင့်ဆောင့်ပြီး
ဆောင်းရိုင်းလေနဲ့ အတူ
တိမ်ညိုတွေထဲပျောက်သွားသူရေ။

မင်းက လမ်းခွဲ နုတ်မဆက်
ကျောခိုင်းထွက်သွားလေပြီ။

ကြေကွဲမှုဆိုတာတွေ
ဘယ်လိုပေတံနဲ့ မှတိုင်းမရ
ဘယ်လိုပေါင်ချိန်နဲ့ မှချိန်မပြနိုင်တဲ့အထဲ
လွမ်းဆွတ်မှု ဝေတနာမိုးကွက်ကျားတွေက
ငါ့ရဲ့  ရင်ဘတ် ဘယ်ဘက်တခြမ်းတည်းပေါ်မှာ
မညှာမတာ
အတိုင်းထက်အလွန်ရွာလို့ ။

မိညို
နေ့ နေ့ ညည လျှံထွက်ကြတဲ့
အိမ်မက်ရိုင်းတွေကလဲ
ငါ့ရင်ဘတ်နဲ့ မဆန့် 
အပြည့်အကြပ်ပါပဲ
အသက်ရှုတောင်ရပ်ရပ်သွားချင်ရဲ့ ။

ခက်တယ်မိညို
စိတ်နဲ့ စိတ်ချင်းမှနားလည်ရတဲ့
ငါ့အလွမ်းဝေဒနာတွေကို
ငိုယိုကြေငြာမိတော့လည်း
မောင်ရင်- ဖြေပါ ဖြေပါ
လေညှာကချော့သူတွေ
ပလူ”ကောင်တွေနဲ့ အပြိုင်။

မိညို
အတိတ်တစ္ဆေက
ငါ့ရင်ထဲမှာ ကွန်းခိုပျော်ပါးနေဆဲပါ။

မိညို
မင်းတယောက်ကြားနိုင်မယ်ဆိုရင်
ငါပြောလိုက်ချင်တယ်
စိတ္တဇညတွေကို
ပန်းခရေလို သီကုံးမပြနိုင်တာကလွဲလို့ 
မင်းအတွက်နဲ့ 
ရူးသွပ်မှုနေ့ ရက်တွေက
ဆက်၍ဆက်၍ဆက်နေဆဲပါကွယ်။ ။

သူငယ်ချင်းတယောက်ရဲ့  အသည်းခလုတ်တိုက်သံ။